Қытай тілі және қытайтану кафедрасы «Зердеш» мектебінде өз филиалын ресми түрде ашты

2025 жылдың 28 қарашасында Абай атындағы Қазақ ұлттық педагогикалық университетінің Әлем тілдері факультеті мен Қытай тілі және қытайтану кафедрасы «Зердеш» мектебінде өз филиалын ресми түрде ашты. Бұл – білім беру саласындағы маңызды әрі стратегиялық қадамдардың бірі. Филиалдың мақсаты – мектеп оқушыларына қытай тілін терең меңгерту, мәдениетаралық түсіністі дамыту және халықаралық мүмкіндіктерге жол ашу. Салтанатты шараға қатысқандар: – «Зердеш» мектебінің директоры – Сәгімбекова М., – Құрылтайшы – Тлеубаева М., – Абай атындағы ҚазҰПУ, Әлем тілдері факультетінің деканы, ф.ғ.к. – Оспанов Е., – Қытай тілі және қытайтану кафедрасының меңгерушісі, п.ғ.к., доцент, университет профессоры – Алиханқызы Г., – Кафедра оқытушылары: Мейрхан С., Раева А., Елемес А.

Шара барысында екі білім мекемесінің өзара ынтымақтастығын нығайту мақсатында лента қию рәсімі өткізіліп, филиалдың ресми түрде жұмысын бастайтыны жарияланды. Екі тарап арасында Меморандум және ынтымақтастық туралы келісім-шартқа қол қойылды. Бұл құжаттар алдағы уақытта бірлескен білім беру жобаларын жүзеге асыруға, оқушыларға арналған тілдік курстар, мәдени шаралар, тренингтер мен ғылыми-әдістемелік жұмыстарды жүйелі түрде ұйымдастыруға мүмкіндік береді.