2025 жылдың 24-желтоқсанында Абай атындағы Қазақ ұлттық педагогикалық университеті жанынан құрылған 8D031 – «Әлеуметтік ғылымдар» (6D050200 / 8D03104 – Саясаттану, 6D050100 / 8D03103 – Әлеуметтану, 6D020400 / 8D03102 – Мәдениеттану)  бағыты бойынша философия докторы (PhD) дәрежесін беру жөніндегі диссертациялық кеңесте екі докторант ғылыми жұмыстарын қорғады. Қорғау мәжілісіне диссертациялық кеңестің ғалым хатшысы ретінде Гуманитарлық ғылымдар кафедрасының аға оқытушысы, PhD Абылов Тұңғыш Талғатұлы қатысты. Бірінші болып «6D050200 – Саясаттану» мамандығы бойынша докторант Набиев Вакиль Гусейнович «Курдская диаспора в Центральной Азии: политологический анализ» тақырыбындағы диссертациялық жұмысын ұсынды. Кейіннен «6D050100 – Әлеуметтану» мамандығы бойынша докторант Юсупов Қуанышбек Есенбекұлы «Қазақстан Республикасында индустриалды-инновациялық даму стратегиясының ерекшеліктеріне әлеуметтанулық талдау» тақырыбындағы ғылыми еңбегін қорғады. Қорғау нәтижесінде екі докторант та өз диссертациялық жұмыстарын сәтті қорғап, философия докторы (PhD) дәрежесін алуға лайық деп танылды. Кафедра ұжымы жас ғалымдарды маңызды ғылыми жетістіктерімен құттықтап, алдағы ғылыми-зерттеу қызметтеріне табыс тілейді.