«География және экология» кафедрасының №1 Талғар жеке лицей-интернатында филиалы ашылды

2024 жылғы 17 қаңтарда Алматы облысының Талғар қаласында орналасқан №1 жеке лицей-интернатында Абай атындағы ҚазҰПУ Жаратылыстану және география институтының «География және экология» кафедрасының филиалы ашылды. Бұған көпжылдық екіжақты байланыстар және 2023-2024 оқу жылының басында қол қойылған меморандум қызмет етті, кафедра филиалын ашу жоспары қойылды. Сонымен, лицейдің география кабинетінде пән бойынша заманауи құралдар (оқулықтар, глобустар, атластар, карталар сериясы, интерактивті панельдер, Ноутбуктер, 3D-принтерлер, автоматтандырылған электрондық шешімдерді қамтамасыз ететін метеорологиялық станциялар, далалық зерттеу жұмыстарында қолданатын су өткізбейтін күркелер, 3D-дизайндағы әлемнің әкімшілік-саяси картасы және т.б.) пайда болды. Қажетті жабдықтар орнатылып, пайдалануға берілді. Болашақта кафедраның жетекші мамандары, география оқулықтарының авторлары лицей оқушыларын түрлі ғылыми жобаларға, олимпиадаларға даярлауға жетекшілік етеді және студенттердің педагогикалық практикасын ұйымдастырады. Пән мұғалімдерімен бірлескен ынтымақтастық зерттеулер, дарынды оқушылардың қатысуымен эксперименттік жұмыстар жүргізу жоспарлануда. Сонымен қатар, кафедрада жұмыс істейтін мектеп оқулықтарының авторлары мен ГАЖ-технологиялар мамандары мастер-класстар өткізіп, әдістемелік қолдау көрсетеді. Лицей басшысы Бадалова Дильдар Нидаевнаға, кафедра түлектеріне, лицейдің беделді қызметкерлеріне Мирзаев Эльхан мен Манабаев Нариманға университет-лицей әріптестігін дамытуға қосқан үлесі үшін зор алғысымызды білдіреміз!