Педагогика және психология факультеті қос мектеппен ынтымақтастық орнатты

2024 жылдың 26 - 30 қыркүйегі аралығында Абай атындағы ҚазҰПУ Педагогика және психология факультетінің бастауыш білім беру кафедрасы мен №185 мектеп-гимназиясы және «Ozat sсhool» жеке меншік мектебі арасында ынтымақтастық меморандумы жасалды. Меморандум негізінде кафедрадағы  ҚР Ғылым және жоғары білім министрлігінің қаржыландыруы арқылы жүзеге асырылып жатқан AP19680117 «Бастауыш сынып оқушыларының интеллектісін дамытуға бағытталған нейродидактикалық контент әзірлеу» жобасы аясында жоба мүшелері 185 мектеп-гимназия және «Ozat sсhool» мұғалімдерімен кездесті.

Кездесу аясында жоба мүшелері Базарбекова Р.Ж. мен Калбергенова Ш.Б. қос мектепке оқушылармен жүргізілетін зерттеуге қажетті арнайы құрал-жабдықтарды табыстады. Кездесуде зерттеу жұмыстарының жоспары талқыланды.