Абай университетінің оқытушысы Түркияда ғылыми тағылымдамадан өтті 

«Болашақ» бағдарламасының «500 ғалым» жобасы аясында Абай атындағы ҚазҰПУ Өнер факультетінің қауымдастырылған профессор м.а., PhD докторы Құралай Бекболатова Акдениз университетінде (Түркия, Анталия) ғылыми тағылымдамадан өтті.

«Болашақ» бағдарламасы аясында тағылымдамадан өту - ғалымдар мен ЖОО-ның оқытушылары үшін тәжірибелі зерттеушілермен ғылыми зертханаларда жұмыс істеу, ғылыми жобалар мен эксперименттерге қатысу және жаңа білім алу мүмкіндігін алудың бірегей мүмкіндігі болып табылады.

Акдениз университеті 1982 жылы Анталияда құрылып, аз уақыт ішінде Түркияның жетекші университеттерінің біріне айналды. Бұл жоғары оқу орны білім мен ғылым, өнер, ауыл шаруашылығы, тамақ өнеркәсібі және т.б.  озық тәжірибелерімен танымал.

Құралай Бекболатованы 6 айлық ғылыми тағылымдамы сәтті аяқтауымен құттықтаймыз.