Абай университетінің студенттері Палацкий университетінде  (Чехия) білім алуда

Абай атындағы ҚазҰПУ орыс тілі мен әдебиеті кафедрасының студенттері Палацкий университетінде (Чехия) білім алуды бастады. Олар көпғасырлық тарихы бар Чехия мемлекетіндегі оқу орнына академиялық ұтқырлық бағдарламасы бойынша аттанған болатын. Бүгінгі таңда аталған кафедраның екінші курс студенттері: Данькина Билора, Демус Александра, Зарымханова Ясмина және Зубкова Анастасия Оломоуце қаласындағы жатақханаға орналасып, оқуға кірісті. Семестр бойы олар келесі пәндерді меңгереді: орыс тілінің морфологиясы, поэтикалық мәтінді талдау, әдеби семинар, қазіргі орыс тілінің стилистикасы, орыс әдебиетінің таңдалған тараулары, ХІХ ғасыр әдебиеті, орыс грамматикасы бойынша жаттығулар.

Студенттердің алғашқы оқу күндері туралы өз әсерлерімен бөлісіп, осындай жоғары мүмкіндік үшін алғыстарын білдірді.