Профессор Салих Чепнидің «Сапалық және сандық зерттеулердің салыстырмалы талдауы» тақырыбындағы дәрісі

2024 жылдың 7-8 қазанында Абай атындағы ҚазҰПУ химия кафедрасында Улудаг университетінің профессоры (Түркия) Салих Чепни «Химияны оқытудың әдістемесі» пәні бойынша дәріс өткізді. «Сапалық және сандық зерттеулердің салыстырмалы талдауы: әдістемелік тәсілдер, жобалау және практикалық аспектілер» тақырыбындағы дәріс жоғары курс студенттері үшін үлкен қызығушылық тудырды. Дәріс барысында профессор Чепни сапалы және сандық зерттеулердің негізгі айырмашылықтарын жан-жақты түсіндіріп, олардың әдістемелік тәсілдері мен ғылыми талдаудағы маңызына назар аударды. Ол химия саласында әр әдістің қалай қолданылатынын талқылап, студенттерге зерттеу әдістемесіндегі заманауи үрдістер туралы маңызды білім берді.

Студенттер, магистранттар, докторанттар белсенді қатысып, сұрақтар қойып, өз пікірлерімен бөлісудің мүмкіндігіне ие болды. Бұл өзара әрекет тек тақырыпты терең түсінуге ғана емес, сонымен қатар жандандырылған академиялық диалог құруға да ықпал етті. Профессор Чепни ғылыми жобаларды сәтті жүзеге асыру үшін зерттеу әдістерін таңдауда критикалық ойлау мен икемділіктің маңыздылығын атап өтті.

Химия кафедрасы профессор Салих Чепниге студенттер білімінің дамуына қосқан үлесі үшін алғыс білдіреді және Улудаг университетінің әріптестерімен одан әрі ынтымақтастық жалғасын табады деп сенеміз.