ҚР ҒЖБМ гранттық қаржыландырылатын жоба жетекшілерімен кездесу  

2024 жылдың 15 қазанында Абай университетінің ректоры Болат Тілеп Қазақстан Республикасы Ғылым және жоғары білім министрлігінің 2024-2026 жылдарға арналған ғылыми және (немесе) ғылыми-техникалық жобалар бойынша гранттық қаржыландыру конкурсының жеңімпаздарымен кездесті.

Гранттық қаржыландыру конкурсының қорытындысы бойынша Абай университеті ұсынған жобалардың ішінен 10 жоба іріктелініп, ғалымдарымыз: Владимир Косов, Шерубай Құрманбайұлы, Сауле Абишева, Айнур Сагимбаева, Гульдина Камалова, Шолпан Колумбаева, Лаура Какимова, Ертай Сұлтан, Алмас Найманбаев, Шахислам Лайсханов отандық ғылым мен білімнің дамуына қосқан үлесі үшін алғыс хаттармен марапатталды.

Іс-шара барысында ректор ғалымдардың ғылымды дамытуға қосқан үлесін атап өтіп, университеттің ғылыми әлеуетін нығайту жолындағы қажырлы еңбектеріне табыс тіледі.