Абай атындағы ҚазҰПУ QS Asia University Rankings 2025 рейтингінде 131-орында

Азияның 2025 жылғы үздік университеттерінің жаңа рейтингісі - QS Asia University Rankings 2025 - Азия мега аймағындағы 25 елден 984 университетті қамтыды. Әлемдік рейтингте Үндістан, Қытай және Жапония көш бастап тұр. Қазақстан, өз кезегінде, рейтингке қатысуға 35 университет ұсынған болатын.

Казақстандық жоғары білім сегменті бұрын-соңды болмаған даму динамикасын көрсетті. 35 қатысушының арасынан 3 университет топ-100 тізіміне енді: әл-Фараби атындағы ҚазҰУ (29-орын), Л.Н. Гумилев атындағы ЕҰУ (65-орын) және Satbayev University (89-орын). Қазақстан мен Орталық Азия бойынша көшбасшылар қатарын Абай атындағы ҚазҰПУ үздік төрттікке ену арқылы толықтырды.

Abai University Азияның үздік 150 университеті қатарына еніп, 131-орынды иеленді. Бұл өткен жылмен салыстырғанда 15 сатыға жоғарылады. Университеттің ең жоғары көрсеткіштері академиялық бедел, түлектердің жұмыспен қамтылуы және студенттер мен оқытушылар құрамының арақатынасы бойынша байқалады.

Сергей Христолюбов, QS компаниясының аймақтық директорының айтуынша, қазақстандық қатысушылардың саны еліміздегі жоғары білім тарихында абсолютті рекорд орнатып, есептеу көрсеткіштерінің орташа мәндері әдістемелік көрсеткіштердің әрқайсысы бойынша артты, бұл ғаламдық бәсекеге қабілеттілікті арттыру бойынша жүйелі жұмыстың нәтижесін көрсетеді. Сонымен қатар, С. Христолюбовтың сөзінше, биылғы жылы қазақстандық авторлардың журналдарындағы жарияланған мақалаларының үлесі Q1 және Q2 алғаш рет 70%-дан асты.

Нәтижелерді талдау бойынша, біздің университет үшін рейтингте әрі қарай ілгерілеудің негізгі көзі халықаралық ғылыми серіктестіктерді арттыру және ғылыми өнімділікті жоғарылату болып табылады.

Стратегия департаменті