Абай университетінің оқытушысы «Тәуелсіздік ұрпақтары» жастарға арналған грант жобасының жеңімпазы

Абай атындағы ҚазҰПУ Тарих және құқық факультеті әлем тарихы кафедрасының аға оқытушысы Еңлік Нұрмұхан дәстүрлі түрде өтетін «Тәуелсіздік ұрпақтары» грантын тағайындау бойынша конкурстың жеңімпазы атанды. Конкурсты Алматы қаласының Жастар саясаты басқармасы мен «Ұлыс» ғылыми-зерттеу орталығы бірлесіп ұйымдастырды.

Оқытушымыз аталған конкурсқа «Волонтерлік: әлеуметтік мәселелерді шешуге бағытталған бастамалар» бағыты бойынша «Мүмкіндігі шектеулі балаларға тарих сабағын үйретуге арналған оқу-әдістемелік кешен» атты жобасын ұсынған болатын.

Жоба мақсаты: Зағип балаларға арналған Қазақстан тарихы пәнін толыққанды меңгеруге мүмкіндік беретін инклюзивті, қолжетімді оқу-әдістемелік кешен әзірлеу. Балалардың танымдық қабілеттерін арттырып, тарихи санасын қалыптастыруға, ұлттық құндылықтарды түсінуге жағдай жасау.

Грант иегерін құттықтаймыз.