Өзбекстан университетінің өкілдері бастауыш білім беру кафедрасында

2024 жылдың 11-15 қарашасы аралығында Чирчик мемлекеттік педагогикалық университетінің (Өзбекстан) өкілдері - «Бастауыш білім берудегі математика және жаратылыстану ғылымдары» кафедрасының меңгерушісі Бурхон Ялгашев, кафедраның доценттері Захия Наримбетова, Абдумалик Кучкинов және аға оқытушы Тұрдиәлі Сұлтанов - университеттер арасында жасалған ынтымақтастық меморандумы негізінде студенттерге дәріс өткізу және тәжірибе алмасу мақсатында Педагогика және психология факультетінің бастауыш білім беру кафедрасына іссапармен келді. Өкілдер академиялық ұтқырлық бағдарламасы аясында п.ғ.к. профессор Әсел Ақпаева мен PhD, аға оқытушы Жупат Астамбаеваның «Математика» пәнінің жаңартылған мазмұнын оқыту әдістемесі» және «Мектеп пәндерін оқытудағы ақпараттық-коммуникациялық технологиялар» пәндері бойынша сабақтарға қатысты.

Бастауыш білім беру кафедрасының меңгерушісі Азия Жұмабаева шетелдік әріптестерге халықаралық ғылыми жұмыстар конкурстарына бірлесіп қатысуды, студенттер мен оқытушылардың өзара тағылымдамаларын ұйымдастыруды ұсынды.

Сапар барысында профессор Бурхон Ялгашев үшінші курс студенттеріне дәріс өткізді. Ал, профессор Абдумалик Кучкинов STEM-кабинетпен және SMART-зертханалармен жұмыс тәжірибесімен бөлісті. Сондай-ақ, өкілдер университеттің бай кітапхана қорымен және Алматы қаласының мәдени орталықтарымен танысты.

Сапар нәтижелері университеттер арасындағы академиялық байланыстарды нығайтуды, бірлескен білім беру бағдарламаларын талқылауды және ғылым мен технология жобаларын бастауды қамтиды.

Өкілдердің келуі мен дәрістерді ұйымдастыруды бастауыш білім беру кафедрасының меңгерушісі Азия Жұмабаева және оқытушы Динара Самбет жүзеге асырды.