«Табыс сыры» мансаптық-панельді пікірталасы

2024 жылдың 20 қарашасында Абай атындағы ҚазҰПУ Педагогика және психология факультеті бастауыш білім беру кафедрасы «Табыс сыры» тақырыбында мансаптық-панельді пікірталас форматындағы «Бастауышта оқыту педагогикасы мен әдістемесі» мамандығының түлектерімен кездесу өткізді.

Іс-шараның мақсаты - өмірлік және кәсіби жетістікке жеткен адамдардан шабыт алу, олардың табысқа жету жолын білу және білім алушыларға пайдалы кеңестер беру. Пікірталасқа білім берудің әр түрлі деңгейлерінде табысқа жеткен, үлгі аларлықтай жетістіктері бар факультетіміздің түлектері - педагогика ғылымдарының кандидаты, профессор Бауыржан Сейдахметов, Талғар қаласы эмоционалды-интеллектуалды дамыту негізіндегі «Jainau» мектебінің директоры Адиял Сулейменова, Алматы қаласы Иштван Қоңыр Мандоки атындағы №154 жалпы білім беретін мектеп директоры Қаламқас Алмасбаева, Алматы қаласы Білім басқармасының Білім берудегі жаңа технологиялар ғылыми-әдістемелік орталығы директорының орынбасары Сандуғаш Әтейбек,  Бастауыш білім беру кафедрасының оқытушысы, педагогика ғылымдарының магистрі, «Деловой русский» онлайн-курсының авторы Динара Сәмбет қатысты. Олар өздерінің табысқа жету жолдары, асқан асулары жайлы ойларымен бөлісті.

Кездесуге университет Түлектер қауымдастығының басшысы Болатбек Нұрбатыров, Ферғана мемлекеттік университеті мектепке дейінгі және бастауыш білім беру кафедрасының оқытушылары Махмуда Кучкарова, Дилором Бузрукова, Дилфуза Газиева, Мавлюдахон Нажметдинова, Давлатхон Рустамова, Зайнитдин Сиддиков, Зульфияхон Сидикова, Педагогика және психология факультетінің деканы Ғалия Абаева, факультеттің түлектермен жұмысын үйлестіруші Гаухар Ибатова, бастауыш білім беру кафедрасының меңгерушісі Азия Жумабаева, кафедра оқытушылары, «Бастауыш білім БИ-мен» және «Бастауыш білім АКТ-мен» ББ 3-курс білім алушылары қатысты.  

Іс-шарада табысты түлектер білім алушылардың сұрақтарына жауап беріп, олардың болашақ кәсіби әрекеттерінде табысқа жетуге бағыт-бағдар беріп, тілек білдірді.

Іс-шараның ұйымдастырушылары - бастауыш білім беру кафедрасының аға оқытушысы, PhD Жупат Астамбаева, «Бастауыш білім бизнес инновациямен» білім бағдарламасының 3-ші курс студенттері.

Кафедра меңгерушісі Азия Жумабаева іс-шараны қорытындылап, кездесуге келген түлектерге алғысын білдірді. Пікірталасқа қатысушылар іс-шараның пайдалы әрі қызықты болғанын атап өтті.