Бастауыш білім беру кафедрасының кәсіптік бағдар беру жұмысы        

2024 жылдың 20 қарашасында Абай атындағы ҚазҰПУ Педагогика және психология факультеті бастауыш білім беру кафедрасының аға оқытушысы, педагогика ғылымдарының магистрі Бауыржан Жанкушков Алматы облысы Қарасай ауданындағы Каскелең гуманитарлық техникалық колледжінде мектеппен байланыс аясында кәсіби бағдар беру жұмыстарын жүргізіп қайтты.

Аға оқытушы Бауыржан Жанкушков кәсіби бағдар беру жұмыстарын жүргізу барысында колледж ұйымдастырған іс-шараға қатысты: «Ағылшын тілі» пәні бойынша 9-шы сынып оқушылары мен 1-ші курс колледж студенттері арасында өткізілген «Үздік риторик» конкурсының төрағасы болды.

Кәсіби бағдар беру жұмысы бойынша Қаскелең гуманитарлық техникалық колледждің бітіруші курс түлектеріне Абай атындағы ҚазҰПУ мамандықтары туралы бейнеролик көрсетіліп, толыққанды ақпараттар берілді. Колледж түлектерін университетіміздің әлемдік нарықтағы орны және көптеген шетелдік жоғары оқу орындарымен халықаралық байланыстары туралы мәліметтер қызықтырды. Колледж түлектері болашақ мамандықтары бойынша көкейлеріндегі сұрақтарын қойып, нақты жауаптарын алды. Сонымен қатар қызығушылық тудырған сауалдар, жалпы әлеуметтік жеңілдіктер сияқты қойылған сұрақтарға Бауыржан Жанкушков толыққанды жауап берді.