Абай университетінің профессор-оқытушылары шетелдік біліктілік курсынан өтті

2024 жылдың 12-17 желтоқсаны аралығында академик Т.С. Садықов атындағы жаңа және қазіргі замандағы Қазақстан тарихы кафедрасының доценттері Байсалбаева Т.М., Нұрман Ш.Т., Тулбасиева С.К. Стамбул университетінде (Түркия) өткен «Креативті, жаңаша білім беру әдіс-тәсілдері» курс-семинарына қатысып қайтты.

Оқытушылар халықаралық деңгейдегі біліктілікті көтеру барысында Туғба Чаншалы, Нуршах Иылмаз, Абдуллах Кызылджик, Әділхан Шорабек сияқты ғалым-профессорлардың дәрістерін тыңдап, практикалық тренингтерге қатысып, 72 сағаттық көлемдегі сертификаттарын алды.

Сонымен қатар Стамбул университеті тарих бөлімінің басшысы Fatıh M.Sancaklar (Фатих Санжактар) және профессорлары: Kurşat Yıldırım (Куршат Иылдырым), Метин Унвер, Семит Сефер, Елиф Тул Тулунай, Седеф Чокай Кепче, Ахмет Чеват Ерен сияқты тарихшылармен оқу-әдістемелік байланыстар орнату мақсаты шеңберінде кездесу-сұхбаттар жүргізілді.

Айта кетейік, Стамбул университеті - әлемдегі ең үздік 500 университеттің қатарындағы, Азия-Тынық мұхиты аймағындағы үздік 100 университет тізіміне кіретін тарихы тереңде жатқан үздік жоғары оқу орны.