Дейвисте (АҚШ) Калифорния университетіндегі алғашқы қадамдар

Абай атындағы ҚазҰПУ Филология факультеті орыс тілі мен әдебиеті кафедрасының оқытушылары - ф.ғ.к., қауымдастырылған профессордың міндетін атқарушы Гүлнұр Байшүкірова және постдокторант, PhD Жанакүл Сәметова Дэвистегі Калифорния университетінде (АҚШ) «500 ғалым» жобасы бойынша ғылыми тағылымдамасын бастады.

Оқытушылар жаңа жылдық мереке қарсаңында Қазақстанның түрлі жоғары оқу орындары мен қалаларынан білім алуға барған көрнекті ғалым-әріптестерімен кездесу өткізді.

Тағылымдаманың бірінші кезеңі - университеттің инфрақұрылымымен, ғылыми жобалармен, сондай-ақ зерттеулерде қолданылатын жұмыс әдістерімен танысу болды. Мұнда әр елдің ғалымдары мен зерттеушілері жұмыс істейді. Олар біздің оқытушыларымызға дүниетанымды кеңейтуге, идеялар мен жұмыс әдістерімен алмасуға көмектеседі.

Халықаралық рейтингтегі беделді жоғары оқу орындарының 5%-на  және АҚШ-тың отыз үздік университеттерінің қатарына кіретін Дэвистегі Калифорния университетінде тағылымдамадан өту - бұл академиялық мансаптағы алға жасалған қадам ғана емес, сонымен қатар әлемнің жетекші ғалымдарынан үйренудің бірегей мүмкіндігі.