«Абайды таны,таңырқа» мерекелік іс - шара

2018 жылдың 1 маусымында Абай атындағы Қазақ ұлттық педагогикалық университетінің 90 жылдық мерейтойына орай, «Рухани жаңғыру бағдарламасы» аясында кәсіби шетел тілі коммуникациясы кафедрасының оқытушылары мен студенттері Алматы қаласының «SOS Children`s Villages» балалар үйінде Халықаралық балаларды қорғау күніне арналған «Абайды таны,таңырқа» мерекелік іс - шара өткізді.

Мерекелік іс-шараның мақсаты «Абай өлеңдерін», «Абайдың қара сөздерін»,«Абай әндерін» қазақ және ағылшын тілдерінде балалар үйінде тәрбиеленушілеріне насихаттау болды.

Арнайы мерекелік шараға дайындалған 5В011900- Шетел тілі:екі шетел тілі мамандығында білім алып жүрген студенттер тәрбиеленуші балалармен бірге ән салып, би билеп, Ұлы Абай туралы сұрақтар қойып, шараны жандандыра түсті.

Белсенділігімен ерекшеленген оқушылар Филология және көптілді білім беру институты арнайы дайындаған алғыс хаттарымен марапатталып, мерекелік шара соңында тәрбиеленушілер сыйлықтар мен тәттілерге ие болды.

Балалар үйінде тәрбиеленіп жатқан балаларға бүгінгі қоғамның аялы алақанын, жылуын сезіндірумен қатар, балалық шақтың шаттығы мен қуанышын сезінуіне сәл де болса өз үлесімізді қоссақ дейміз.

Кәсіби бағдар беру

2018 жылдың 7 сәуір күні Филология және көптілді білім беру институтында Алматы қаласының мектептері және колледж бітірушілеріне арналған «Ашық есік күні» өтті.

Ашық есік күніне Алматы қаласы №1 Қазақ Педагогикалық - гуманитарлық колледжінің бітіруші студенттері мен №198, №140 мектеп-гимназияларының түлектері қатысты.

Түлектерге кәсіби шетел тілі коммуникациясы кафедрасы тарапынан 5В011900 «Шетел тілі-екі шетел тілі» мамандығының: тапсыратын таңдау пәні, өткізілетін дәріс тізімі және мазмұны, сыртқы және ішкі академиялық ұтқырлық, әлеуметтік тәрбиелік жұмысы, келісім-шарт негізінде оқитын студенттерге университет тарапынан берілетін жеңілдік (30%,40%,50%) және дәріс жүргізетін профессор-оқытушылар құрамы туралы мәліметтер берілді. Іс-шарадағы бағдар беру барысында оқушылар тарапынан сұрақтар қойылып, оған тұшымды жауап берілді.

Қазақстан Республикасының Тәуелсіздік күніне арналған мереке

2017 жылдың 13 желтоқсанындаАбай атындағы Қазақ Ұлттық Педагогикалық Университеті Кәсіби шетел тілі коммуникациясы кафедрасында Қазақстан Республикасының Тәуелсіздік күніне арналған «Тәуелсіздік-теңдесі жоқ байлығым» атты тәрбие сағаты кафедра оқытушылары ф.ғ.к. Бақытгүл Букабаева, PhD Шырын Әкімбекова және магистр аға оқытушы Оразгүл Исмаилованың ұйымдастыруымен, 5В011900 мамандығының 2 курс студенттерінің белсенді араласуымен өткізілді. Тәрбие сағатында студенттер ақындарымыз Мұхтар Шаханов, Қалқаман Сарин, және де Бала Жамбыл-Жамбыл Дүйсеновтің ҚР Тәуелсіздік күніне арнаған өлеңдерін оқыды, Әбиірбек Тінәлиевтің «Желтоқсан желі» әнін тыңдады, «Желтоқсан -1986» фильмін көріп, өз ой-тебіріністерін білдірді, және де «Тәуелсіздік» әнін хормен орындады. Кәсіби шетел тілі коммуникациясы кафедрасының меңгерушісі ф.ғ.д., профессор Таңат Аяпова, ф.ғ.к. Гүлнар Абдрахимова студенттерге өздерінің 1986 жылдың 16 желтоқсан туралы естеліктерін әңгімелей отрып, қаншама құрбандықпен қол жеткен тәуелсіздігімізді құрметтей, қастерлей білуге, Қазақстанның келешегі үшін аянбай күресуге және еңбек етуге шақырды.

Абай атындағы қазақ ұлттық педагогикалық университетінің «Филология және көптілді білім беру» институтының Серік Қирабаев атындағы қазақ әдебиеті кафедрасының ұйымдастыруымен 2017 жылдың 2 қарашасы күні сағат: 14.00-де бас ғимараттың 225 кабинет коференция залында өнер әлеміндегі жарық жұлдыздардың бірі әнші, сазгер Роза Әлқожамен кездесу өтті.   

2017 жылдың 15-27 мамыр аралығында Филология және Көптілді білім беру институты Кәсіби шетел тілі коммуникациясы кафедрасының 5В011900 - шетел тілі: екі шетел тілі мамандықтарының 4-курс және 3 курс қысқартылған күндізгі бөлімінің студенттерінің дипломдық жұмыстары тыңдалды.

2017 жылдың 15.05- 01.06.2017 аралығында Филология және Көптілді білім беру институты Кәсіби шетел тілі коммуникациясы кафедрасының 6М011900 - шетел тілі: екі шетел тілі мамандықтарының 1-курс магистранттарының диссертациялық жұмыстары бойынша курстық жұмыстары тыңдалды.

2017 жылдың 3 наурыз күні Филология және көптілді білім беру институты  5В011900 - Шетел тілі: екі шетел тілі мамандығының 1 және 2 курс студенттерінің ұйымдастыруымен «Trip to Britain» атты ағылшын тілінде іс-шара өтті.

Айтылған  іс-шарада  студенттер ағылшын тілінде өздері оқыған шығармалары бойынша сахналық көріністер көрсетуден, Шекспирдің сонаталарын оқудан және ағылшын тілінде ән айтудан бәсекеге түсті.

Іс-шара 103-топтың студенті Қажебек Альфияның әкесімен қосылып орындаған танымал италия тіліндегі «Феличита» әнімен ашылды. 

105 және 108 топ студенттерінің дайындаған «Ақша қар мен жеті гном» етрегісінен көрініс.

201 және 206 топ студенттерінің дайындаған «Өкіл әке» қойылымынан көрініс.

Кафедра 1996 жылдың қыркүйек айында университеттің Қаржы және Экономика факультетінде жаңа «Халықаралық экономика» мамандығының ашылуына байланысты құрылды. Сонымен қатар кафедраға бұрын ашылған Заң факультетіндегі «Кеден ісі» мамандығы, Физика-математика факультетіндегі «Информатика және ағылшын тілі» мамандығы, География және Экология факультетіндегі «Халықаралық туризм» мамандықтары берілді.
Кафедра меңгерушісі болып жоғары оқу орнында үлкен педагогикалық өтілімі бар, тәжірибелі маман, білім деңгейін көтеруде халықаралық гранттардың иегері болған (Ресей, АҚШ, Үндістан, Израиль), доцент (қазіргі кезеңде - профессор) Нестай Мансұрқызы Исмаил тағайындалды.
1999 жылдан бастап орыс және қазақ филологиясы факультеттерінде ағылшын тілі тереңдетіп оқытылатын «Қазақ тілі, әдебиеті және ағылшын тілі», «Орыс тілі, әдебиеті және ағылшын тілі», «Ағылшын және неміс тілдері», «Ағылшын және француз тілдері», «Аударма ісі» мамандықтары ашылып,онда кафедра оқытушылары негізгі пәндер бойынша практикалық және теориялық сабақтарды жүргізе бастады.
2011-2012 оқу жылынан бастап кафедра университетте жаңа құрылған Шетел тілдері және халықаралық қатынастар факультетінің құрамына кіріп, кафедра атауы «Кәсіби шетел тілі коммуникациясы» кафедрасы болып өзгертілді. 2012 жылдың қыркүйек айынан бастап кафедра меңгерушілігін филология ғылымдарының кандидаты, доцент м.а. Бұқабаева Бақытгүл Ердесбайқызы атқарып келеді.
Кафедра құрылғанда, 1996 жылы, кафедрада 10 оқытушы жұмыс жасады. Оның ішінде 1 педагогика ғылымдарының кандидаты, 1 университет доценті, 5 аға оқытушы, 3 оқытушы жұмыс жасады.
Жылдан жылға кафедраның профессор-оқытушы құрамында сапалық және сандық өсім жүріп отырды.
Бүгінгі таңда кафедрада 17 профессор-оқытушы жұмыс істейді. Оның ішінде: 1 филология ғылымдарының докторы, ЖАҚ профессоры, Халықаралық білім беру академиясының академигі, Жоғары оқу орны Үздік оқытушысы, Құрмет орденінің иегенрі; 1 PhD доктор, 7 ғылым кандидаты, 2 ЖАҚ доценті, 1 «Болашақ» стипендиясының иегері, «Erasmus-Mundus» стипендиясының иегері, 1 университет профессоры, 8 магистр-аға оқытушы.
Кафедраның ғылыми дәреже көрсеткіші 60% құрайды
2011-2012, 2012-2013 оқу жылдарында кафедра студент контингенті 80-90 қураса, 2013-2014, 2014-2015 оқу жылдарында 310 жетті. Сонымен қатар, кафедра 2012-2013 оқу жылынан 2014-2015 оқу жылына дейін университеттің педагогикалық 13 мамандығының көптілді білім беру (27 топ) топтарында ағылшын тілінен сабақ жүргізді.
2014-2015 оқу жылында кафедра құрамына 6М011900-шетел тілі: екі шетел тілі мамандығы қосылды. Кафедраның білім алушы контингенті 390 ға жетті.
2015-2016 оқу жылында «Кәсіби бағыттағы тілдер кафедрасының» құрылуына байланысты кафедра құрамында 3 курс - 125, 4 курс - 7 студент, 1 курс - 31, 2 курс - 39 магистрант қалды
2015-2016 оқу жылынан бастап 5В011900 -шетел тілі: екі шетел тілі мамандығы Абай атындағы ҚазҰПУ 1 курс студенттері кафедра профессор-оқытушыларының (Т.Т.Аяпова, Б.Е.Букабаева, З.А.Кемелбекова, А.Т.Алипова және А.А.Таутенбаева) шетелдік серіктестік-жоғары оқу орындарының (Туркия, Австралия, Англия) профессорларымен «Интеллектуалды ұлт қалыптастыру бағдарламасы» (2012ж.) аясында 5В011900 -шетел тілі: екі шетел тілі мамандығы бойынша жасалған Халықаралық, мемлекеттік білім бағдарламасы бойынша білім алып жатыр.