Университетте су тасқынын алдын-алу шаралары бойынша жаттығу жүргізілді

22 ақпанда Абай атындағы Қазақ ұлттық педагогикалық университетінде «Сел қауіпі туындаған жағдайда ЖОО басшы құрамының, қызметкерлер мен студенттердің іс-әрекеті» дайындық жаттығу жұмыстары жүргізілді.

Сел қауіпі туындаған жағдайдағы сауатты іс-қимыл әрекеті мен дағдыларын қалыптастыру мақсатында ұйымдастырылған іс-шараға Университеттің оқытушылары мен студенттері қатысты. Жаратылыстану және география институтында интерактивті сабақ өтікізіліп, сел ағындарының Алматы қаласына тигізетін жойқын әсері көрсетілді.

Қатысушылардың назарына су тасқыны қаупі туындаған жағдайдағы іс-әрекеттер ұсынылды. Университет дәрісханасынан студенттерді қауіпсіз орынға эвакуациялау жұмыстары жүргізілді. Аталған іс-шараға Жаратылыстану және география институтының директоры Күләш Каймулдинова мен директордың тәрбие ісі жөніндегі орынбасары Нұрлан Манапов және институт профессор-оқытушылар құрамы белсене қатысты.

Азаматтық қорғаныс және мобилизациялық дайындық бөлімі