Абай университетіндегі Бреттон-Вудс қоры кітапханасының салтанатты ашылуы

2024 жылдың 26 қарашасында Абай атындағы ҚазҰПУ-да Бреттон-Вудс қорының бірегей кітапханасы ашылады. Reinventing Bretton Woods Foundation қорының сыйға тартуымен құрылған кітапхана жинағында әлемнің жетекші ғалымдары ұсынған 2500 таңдаулы кітаптар, қолжазбалар мен мұрағат материалдары бар. Жоба корпоративтік Нобель фестивалінің қолдауымен және Центр Кредит Банкінің демеушілігінің арқасында жүзеге асырылып отыр.

Кітапхана Нобель сыйлығының лауреаттары, әлемдік деңгейдегі ғалымдар мен зерттеушілердің еңбектері ұсынылған ұжымдық пайдалануға арналған Орталық Азиядағы алғашқы ағылшын-француз платформасы болмақ. Миссиясы - ғылым мен білім салаларының дамуына және ашық пікір алмасуға ықпал ету. Бұл платформа сирек кездесетін құнды материалдар мен заманауи ғылыми ресурстарға қолжетімділікті қамтамасыз ете отырып, Қазақстан мен Орталық Азияның жас ғалымдары үшін бірегей мүмкіндіктер береді.

Қорды жаңа басылымдармен үнемі толықтырып отыру, авторлармен кездесулер ұйымдастыру, кітап тұсаукесері мен жетекші ғалымдардың баяндамаларын трансляциялаудың арқасында кітапхана тың жаңалықтарды шабыттандыратын, ғалымдар мен зерттеушілерді біріктіретін интеллектуалдық байланыс орталығына айналады.

Іс-шараға Reinventing Bretton Woods Foundation қорының атқарушы директоры және негізін қалаушы Марк Юзан; Еуропалық қайта құру және даму банкінің (ЕҚДБ) Орталық Азия бойынша директоры Озхан Хусейн; Халықаралық валюта қорының өкілі, Кавказ, Орталық Азия және Моңғолия өңірлік әлеуетті дамыту орталығының басшысы Норберт Функе; Otranto Limited негізін қалаушы, цифрлық валюта сарапшысы Джон Велиссариос; ҚР Ұлттық Банкі Төрағасының кеңесшісі Бинур Жаленов; Н.Назарбаев қоры директорының кеңесшісі Қайрат Әбусейітов, сондай-ақ негізгі сарапшылар мен халықаралық ұйымдардың өкілдері қатысады.

Іс-шара бағдарламасына кітапханаға экскурсия, Орталық Азиядағы жетекші ұйымдардың өкілдерімен кездесу және кітаптар қорымен таныстыру кіреді.

Өтетін күні мен уақыты: 26 қараша 2024 жыл,  сағат 15:00.

Өтетін орны: Алматы қ., Жамбыл к-сі, 25.