Абай университеті оқытушылары мен қызметкерлерінің ғылыми жобаларын қаржыландыратын Ректор грантына конкурс жариялайды

Абай атындағы ҚазҰПУ оқытушылары мен қызметкерлерінің ғылыми жобаларын қаржыландыратын Ректор грантына конкурс өтетіндігін хабарлайды.

Конкурстың мақсаты - Абай атындағы ҚазҰПУ-дың 2023-2029 жылдарға арналған даму бағдарламасына сәйкес педагогикалық зерттеу университетінің деңгейіне жету үшін корпоративтік ғылымның перспективалық ғылыми бағыттары мен кластерлерін анықтау.

Өтініш беруші Абай атындағы ҚазҰПУ-дың штаттағы оқытушысы немесе қызметкері және Конкурстық құжаттамада көрсетілген талаптарға сай болуы тиіс.

Конкурсқа қатысу үшін өтінім Конкурстық құжаттаманың 1, 2 және 3-қосымшаларына сәйкес жасалады. Өтінім, ілеспе хат және сұратылатын қаражат есебі мемлекеттік тілде және/немесе орыс тілінде беріледі.

1 жобаны қаржыландыру сомасы 3 млн. теңгеге дейін.
Жобаны іске асыру мерзімі - 11 ай.
Конкурстық өтінімдер 2025 жылдың 10 ақпанына дейін университеттің Ғылым департаментіне тапсырылады. Мекенжайы: Алматы қ., Қазыбек би к-сі, 30, каб. 203а.
Жауапты тұлға - Жобалық кеңсе жетекшісі И.Б.Байсыдық

Конкурстық құжаттама тіркелген.