№201 мектеп-гимназия базасындағы кафедра филиалы

2019-2020 оқу жылының басында Алматы қаласы Алатау ауданының №201 мектеп-гимназиясының базасында Педагогика және психология институты бастауыш оқытудың педагогикасы мен әдістемесі кафедрасының филиалы ашылды. Осы қызмет аясында мектеп-гимназия директоры А. М. Шамова мен кафедра меңгерушісі А. Е. Жұмабаева ынтымақтастық туралы келісім шартқа қол қойып, кафедра филиалы қызметінің Стратегиялық жоспары талқыланды.

Мектеп директоры №201 лингвистикалық мектеп-гимназиясы биылғы оқу жылында алғаш рет өз есігін айқара ашқанын айтты. Бүгінде мұнда 985 бала оқиды,оның 225-і бірінші сынып оқушылары. Мектептің педагогикалық ұжымы 45 мұғалімнен тұрады.

Жоспарға сәйкес № 201 мектеп-гимназиясында келесі іс-шаралар жүргізілді:

- бастауыш сынып мұғалімдері үшін "Біз біргеміз берік іргеміз", орта буын мұғалімдері үшін «Бірге өмір сүріп үйренейік» тақырыптарында (Педагогика және бастауыш оқыту әдістемесі кафедрасының аға оқытушысы А. Н. Өмірбекованың жетекшілігімен) семинар-тренингтері жүргізілді;

- мектепте өтке өзін-өзі тану апталығы аясында 9-сынып оқушыларына арналған «Біз бірге өзімізді танимыз» ( А. Н. Өмірбекова жетекшілігімен) тренингі өткізілді;
- кафедра филиалының бастауыш сынып мұғалімдеріне арналған әдістемелік көмек бағытына сәйкес «Жаңартылған математикалық білім мазмұнын оқыту әдістемесі» тақырыбында (математика оқулығының авторы, бастауышта оқыту педагогикасы мен әдістемесі кафедрасының аға оқытушысы Ж.К. Астамбаеваның жетекшілігімен) дәріс жүргізілді.