Дипломдық жобаларды орындау бойынша әдістемелік семинар

2021 жылдың 4-6 желтоқсанында Педагогика және психология институты Бастауыш білім беру бағдарламалары кәсіби даярлау бөлімінің жетекшісі, профессор Ә.Е. Жұмабаеваның ұйымдастыруымен бітіруші курстарға дипломдық жобаны жазу және рәсімдеу бойынша әдістемелік семинар өтті. Семинарға бітіруші курс студенттері және олардың ғылыми жетекшілері: Абдықадыров А.О., Астамбаева.Ж.Қ., Омарова Г.Ж., Қамза Г.Б., Базарбекова Р.Ж., Жұмабаева Ж., Лебедева Л.А., Рябова Е.В., Акпаева А.Б., Аренова А.Х. және т.б қатысты.

Осы іс-шараны дайындаған оқытушылар Г.Т. Сәдуақас және А.И. Сафаргалиева студенттерге ғылыми-зерттеу жұмысы, зерттеу тақырыбын таңдау, дипломдық жобаларды ресімдеу, олардың құрылымы, жазу кезеңдері, дереккөздермен жұмыс, «Антиплагиат» жүйесі арқылы барлық тапсырылатын жұмыстарды міндетті тексеру керектігі туралы түсіндіру жұмыстарын жүргізді.