«Болашақтың ұстазы» жайдарман ойыны ұйымдастырылды  

2024 жылдың 3 қазанында Абай атындағы ҚазҰПУ бастауыш білім беру кафедрасында «Болашақтың ұстазы» тақырыбында жайдарман ойыны ұйымдастырылды. Ұстаздар мерекесіне орай өткен сайысқа «В003 - Бастауыш білім беру» бағдарламаларының студенттерінен құралған үш команда қатысты: «Бастау», «Позитив», «Смех по расписанию».

Жайдарман ойыны Таныстыру (эмблема),  үй тапсырмасы - пародия,  педагогикалық шеберлік (педагогикалық жағдаят шешу), әуенді тап, оны жалғастыр сынды төрт кезеңнен тұрды.

Ойынға барлық топтар белсенді қатысып, өз өнерлерін көрсетті. Әр кезең өзінше қызық әрі жоғары деңгейде өтті.

Ойын қорытындысы бойынша «Бастау» тобы I орын және «Смех по расписанию» тобы  II орын алып, алғыс xаттармен марапатталды. Ал, бас жүлдені «Позитив» тобы қанжығаларына байлады. Әділқазылар алқасы жеңімпаз топтарды марапаттап, оларға сыйақыларын табыстады.

Аталған іс-шараны аға оқытушы М.Т. Бекбаева ұйымдастырды.