Кафедра жайлы жалпы мәліметтер.
Академиялық сурет және АПОӘ кафедрасы 5В010700 - «Бейнелеу өнері және сызу» мамандығы бойынша дәріс бере отырып, мектеп қызметкерлерін, яғни болашақ ұстаздарды дайарлайды және негізгі мақсаты заман талаптарына сай мамандарды даярлау шеберлігін жетілдіру болып табылады.
Сонымен қатар жоғары деңгейлі кәсіби-шығармашылық суретші мамандарды дайындайды. Кафедра халықаралық және отандық оқыту ғұрыптарын сақтайды. Оқыту негізінде гуманитарлық біліммен қатар практикалық дайындықтың жүйесі қаланған. Түлектердің жан-жақты кәсіби деңгейін қалыптастыру үшін, кафедра жоғары білім беру мекемелерінің талаптарына сай аудиториялар мен шеберханалар заманауи технологиямен қамтылған. Шеберханалар: сурет өнерін үйренуге қажетті құрал-саймандар мен көрнекіліктермен безендірілген.
Бүгінде Абай атындағы ҚазҰПУ-нің, «Өнер, мәдениет және спорт» институтының түлектері еңбек нарығында бәсекеге түсуге қабілетті, өнер алаңында шығармашылығы жемісті суретшілер болумен бірге, мектеп қабырғаларында алдыңғы қатарлы ұстаздар қатарларынан да көрінуде.