ЕЛБАСЫ ЖОЛДАУЫН НАСИХАТТАУ БАРШАҒА МІНДЕТ

2015 жылдың 3 желтоқсаны күні Тәрбие ісі жөніндегі проректор Жанатбек Ішпекбаев барлық Институт директорларының тәрбие ісі жөніндегі орынбасарларымен кезекті жиын өткізді. Күн тәртібіндегі басты мәселе Қазақстан Республикасының Президенті Нұрсұлтан Әбішұлы Назарбаевтың 2015 жылдың 30 қарашасы күні жарияланған «Қазақстан жаңа жаһандық нақты ахуалда: өсім, реформалар, даму» атты Қазақстан халқына Жолдауын профессор-оқытушылар құрамы мен студенттер арасында жаппай талқылау болды. Осы орайда Ж.Ішпекбаев Жолдаудың маңыздылығына тоқтала отырып, барлық орынбасарларға шұғыл түрде төмендегі тапсырмаларды орындау керектігін атап айтты:
1. Барлық институттарда Жолдауды жаппай талқылау.
2. Жыл бойы Жолдауды насихаттау бойынша институтта ақпараттық-насихат тобын құру.
3. Жолдауды насихаттау бойынша Институттік іс-шаралар жоспарын әзірлеу.
Сонымен қатар, жиын барысында алда келе жатқан Тәуелсіздік мерекесін тиісті дәрежеде атап өтуге де аса мән берілді.

Ақпаратты дайындаған: Тәрбие жұмыс, жастар саясаты және

мемлекеттік тілді дамыту басқармасы