«АЛМАТЫ КӨКТЕМІ - 2016» АТТЫ СТУДЕНТТІК КӨКТЕМ ФЕСТИВАЛІ
МӘРЕСІНЕ ЖЕТТІ

Абай атындағы Қазақ ұлттық педагогикалық университеті Жастар ісі жөніндегі комитетінің ұйымдастыруымен 2016 жылдың 20-28 сәуір күндері аралығында Қазақстан Республикасының Тәуелсіздігінің 25 жылдығы, Алматы қаласының 1000 жылдығы аясында «Алматы көктемі - 2016» атты Студенттік көктем фестивалі өтті. Фестиваль мақсаты - Студенттердің азаматтық белсенділіктерін арттыру, дарынды орындаушылар мен ұжымдарды анықтау, олардың шығармашылық әлеуетін іске асыруына жағдай жасау; шығармашыл студент жастар арасында тәжірибе алмасу мүмкіндігін қалыптастыру; студенттердің бос уақытын ұтымды ұйымдастыру; студент жастарды мәдени, қоғамдық-саяси өмірге тарту; өнерді дамытуға жұртшылықтың және бұқаралық ақпарат құралдарының назарын аудару; ел жандылық пен бірлікке тәрбиелеу.

Биылғы «Алматы көктемі - 2016» атты Студенттік көктем фестивалі төмендегідей бағдарламамен өтті:
- «Қыздарға әсемдік жарасады» атты AVON компаниясымен бірлесе сұлулық күні акциясы,
- ҚР халқы бірлігі күніне орай «Бірлігіміз жарасқан» атты акциясы,
- «Қайырымдылық жолымен..» атты танымдық акция,
- «Дені сау ұрпақ - жарқын болашақ» атты Ректор кубогына арналған жатақхана аралық мини-футболдан турнир,
- Болашақ педагогтарға арналған «Үздік сынып жетекші» байқауы,
- «Ең үздік жатақхана», «Ең үздік бөлме» сайыстары,
- Қазақстан Республикасы Тәуелсіздігінің 25 жылдығына орай «EXPO 2017: ҚР инновациялық экономикасының даму тетігі» атты университетішілік пікірсайыс турнирі,
- Жастарды жазғы маусымда уакытща жұмыспен қамту мәселесіне арналған «Жастық, Жігер, Еңбек» атты кездесу.
- «Көктем Сұлтаны, Көктем Аруы» байқауы.
Студенттік фестиваль аясында өткен барлық байқаулар мен ойындардың жеңімпаздары университет ректорының Мақтау қағазымен марапатталып, белсенді студенттерге және ұйымдастырушыларға алғыс хаттар табысталды.

Жастар ісі жөніндегі комитет