«Жыл таңдауы-2024»: Абай университетінің үздіктері марапатталды

2024 жылдың 20 желтоқсанында Әлеуметтік және жастар саясаты жөніндегі департаменттің ұйымдастыруымен Абай атындағы Қазақ ұлттық педагогикалық университетінің сала мамандары және белсенді білім алушылары арасында «Жыл таңдауы-2024» байқауы өтті.

Университет қызметкерлері мен студенттерді ынталандыру мақсатында  ұйымдастырылған шарада 2024-2025 оқу жылында өнер, ғылым, білім, мәдениет пен спорт салаларында жетістікке жеткен және қоғамдық жұмыстарға белсенді атсылысқан үздіктер марапатталды.

Университеттің барлық факультеттері мен Сорбонна-Қазақстан институты және құрылымдық бөлімдер қатысқан байқауға, жалпы саны 106 өтінім келіп түсті. Ал арнайы комиссия мүшелері байқау Ережесіне сәйкес, жалпы командалық және жеке номинациялар бойынша өтінімдерді қарап, өз саласының үздіктерін дауыс беру арқылы анықтады.

Нәтижесінде:

Үздік қоғамдық белсенді факультет;
Үздік өзін-өзі басқару ұйымдары;
Үздік жатақхана кеңесі;
Үздік студенттік клуб;
Үздік шығармашылық топ (ән және би);
Үздік тәрбие жұмысын үйлестіруші;
Үздік қазақи нақыш үлгісі;
Жыл волонтеры;
Жыл белсендісі;
Үздік шетелдік шығармашыл студент;
Ең жоғары GPA иегері;
Жыл спортшысы;
Үздік жатақхана меңгерушісі;
Үздік жатақхана күзеті қызметкері;
Үздік ғылыми еңбек иегері;
Үздік тәлімгер;
Креативті медиа жүргізуші және тағы басқа номинация иегерлері мен үздіктер марапатталды.

«Жыл таңдауы-2024» байқауының үздіктері, арнайы номинация иегерлері мен ең белсенді спорттық және шығармашылық клубтарға Басқарма төрағасы-ректордың арнайы Алғыс хаттары, дипломдары мен ақшалай сыйақы және сыйлықтары табысталды.

Байқаудың марапаттау рәсімі университетіміздің әлеуметтік даму жөніндегі проректоры Мақсат Жақауовтың қатысуымен жүзеге асты. 

Айта кетейік, салтанатты кешке Думан Марат, Айдын Жұмахан, Айбек Жағыпар, Уали Мырза сынды өнер жұлдыздары қатысып, мерекелік көңіл күй сыйлады.

Марапатқа ие болған «Жыл таңдауы-2024» үздіктерін шын жүректен құттықтаймыз!

Әлеуметтік және жастар саясаты жөніндегі департамент