қазақша · русский · english
 
 
 
Өткізілген іс-шаралар
02.06.2017

 

ЖЕМҚОРЛЫҚПЕН КҮРЕС ОРТАҚ МАҚСАТ


          2017 жылдың 31 мамыр күні «Тұран» Университетінде «Қазақстан Республикасы Жоғары оқу орындарының қауымдастығы» ЗТБ және Қазақстан Республикасы Мемлекеттік қызмет істері және Сыбайлас жемқорлыққа қарсы іс-қимыл агенттігінің Алматы қаласы бойынша департаменті біріге жоғары оқу орындарымен қоғамда сыбайлас жемқорлыққа қарсы мәдениетті қалыптастыру, академиялық адалдық қағидалары мен жемқорлыққа мүлдем төзбеушілікті алға бастыру мақсатында Алматы қаласының белді жоғары оқу орындарының өкілдерінің  қатысуымен іс-шараға өтті. Шара барысында Жоғары оқу орындарының қауымдастығы президенті  Р.А. Алшанов сөз алып, «Жастар арасында  сыбайлас жемқорлыққа жол бермеу және оны алдын алу мәселесіне ерекше назар аударды. Аталған келеңсіздікпен күрес жұмыстарын күшейту мақсатында осынау жиын бекітіліп қаламыздағы барлық университет басшылықтарын біріктіріп отыр» деп атап өтті. Аталмыш жиынға университетіміздің бірінші проректоры М.Е. Ермағанбетов, Тәрбие басқармасының өкілдері және белсенді студенттер қатысты.

          Шара барысында Алматы қаласы ЖОО-ның барлық басшылары сыбайлас-жемқорлыққа қарсы Хартиясына қол қойды. Сонымен қатар, аталмыш шараға Қазақстан Республикасы Мемлекеттік қызмет істері және Сыбайлас жемқорлыққа қарсы іс-қимыл агенттігінің Алматы қаласы бойынша Департамент басшысы Байханова Айгул Бейбітбайқызы қортынды сөз сөйлеп. Сыбайлас жемқорлыққа қарсы күрес туралы бейнеролик көрсетілімі болды.

Тәрбие, әлеуметтік жұмыстар

және жастар саясаты басқармасы

 

 

 




Кері оралу