#ErasmusDays 2019 жаһандық шара аясында Erasmus+ Experience Sharing Workshop

#ErasmusDays 2019 жаһандық шара аясында 2019 жылдың 10 қазанында Абай атындағы ҚазҰПУ-дың Халықаралық ынтымақтастық департаменті Erasmus+ Experience Sharing Workshop ұйымдастырды. Шетелдегі Миколас Ромерис Университетінен (Литва) Халықаралық офисінің бастығы Аудра Даргите Бурокиене, Сорбонна-Казахстан институның доценті Гүлнара Асқарова, Жаратылыстану және география институтының биология кафедрасының оқытушысы және докторанты Рустам Аманжолов, Педагогика және психология институтының докторанты және Сорбонна-Қазахстан институтының оқытушысы Ақмарал Қанаева, Халықаралық бағдарламалар мен ынтымақтастық бөлімінің үлестірушісі Айжан Атшабарова спикер ретінде шақырылды.

Эразмус 2019 күні келесі идеяға негізделген: әртүрлі Эразмус жобаларындағы миллиондаған қатысушыларға өз тәжірибесімен бөлісу, университеттер деңгейінде, білім беру жүйесінде, тұтастай алғанда қоғамда болған өзгерістер, олардың жеке өсуіне, мансаптық өсуіне қандай әсер тигізгені туралы өз жобаларының нәтижелерін көпшілікке жеткізеді. #ErasmusDays хэштегі іс-шарасының ауқымын ескере отырып, Қазақстанның кез-келген университеті көпшілікті Эразмус+ жобаларының тәжірибесімен және нәтижелерімен таныса алады, Эразмус+ бренді мен оның университетінің әлемдік деңгейде танымалдылығын арттырады, халықаралық байланыстарды кеңейтеді, Эразмус+ шарасына қатысу кәсіби серіктестік мүмкіндіктерін күшейтеді.

Аудра Бурокиене ханым «Эразмус+ MRU-дағы ең тиімді тәжірибелер» тақырыбында баяндама жасады, онда ол өз университетінің құрылымы мен интернационализациясы, Эразмус+ бағдарламасы аясында ұтқырлықты ұйымдастыру туралы егжей-тегжейлі айтты. Миколас Ромерис университеті (Литва) - Абай атындағы ҚазҰПУ-дың стратегиялық серіктестерінің бірі. 2008 жылы басталған ынтымақтастық академиялық ұтқырлық, MKM Erasmus+ және магистранттардың ғылыми тағылымдамасы аясында дамуда. Серіктестік барысында 20 студент ҚР Білім және ғылым министрлігінің академиялық ұтқырлық бағдарламасы және Эразмус+ несиелік ұтқырлық бағдарламасы бойынша оқыды, ал 3 қызметкер осы университетте тағылымдамадан өту және тәжірибе алмасу үшін Эразмус + шәкіртақысын алды.

Семинардың әр спикері Еуропа университеттеріндегі Эразмус+ ұтқырлық тәжірибесімен бөлісті, бұл бағдарламаның білім беру саласындағы артықшылықтарын атап өтті.

Халықаралық ынтымақтастық департаменті