ТОҒЫЗҚҰМАЛАҚТАН ЖАТАҚХАНААРАЛЫҚ САЙЫС

ТАРТЫСТЫ ӨТТІ

         Бүгінде тоғызқұмалақ үлкен сұранысқа ие болып отырған, кеңінен дамып, қанат жайып келе жатқан ұлттық ойынымыздың бірі. Осы орайда, жастарға ұлттық ойындарды  дәріптеу мақсатында 2017 жылдың 25 сәуірі күні «Жастар. Шығармашылық. Инновация» Студенттік көктем фестивалі аясында студенттік жатақхана тұрғындары арасында  «Қуалайық ой түбін» атты тоғызқұмалақтан сайыс өтті.

         Ойын 2 айналымда жүргізілді. Сауықтыру және дене мәдениеті кафедрасының оқытушысы Ерубаев Нурақын қазылық еткен ойын өте тартысты өтіп, қорытындысында  І орынды №5 жатақхана тұрғыны Дәрібай Мұхтар жеңіп алды. Қалған жүлделі орындарды №2 жатақханадан Әлімбаева Мөлдір мен №3 жатақхана атынан ойынға қатысқан Жанқазы Ақиқат бөлісті.

Тәрбие, әлеуметтік жұмыстар және

мемлекеттік тілді дамыту басқармасы