«Үздік студенттік деканат» анықталды

2024 жылдың 19 қарашасында Абай атындағы ҚазҰПУ Әлеуметтік және жастар саясаты жөніндегі департаменті Жастар ісі жөніндегі бөлімнің ұйымдастыруымен «Жаңашыл жастар» студенттік апталығы аясында «Үздік студенттік деканат» сайысы ұйымдастырылып, өткізілді.

Сайысқа Абай университетінің 7 факультеті мен институтының студенттік деканаттары қатысты. Олар 3 кезең бойынша өз бақтарын сынады: «Таныстыру»; «Өз өнерлерін көрсету»; «Сұрақ-жауап». Конкурс нәтижелері: І орын - Математика, физика және информатика факультеті; ІІ орын - Филология факультеті; ІІІ орын - Тарих және құқық факультеті.

Ал, номинациялар бойынша: «Жаңашыл Деканат» - Дене шынықтыру және алғашқы әскери дайындық факультеті, «Үздік шығармашылық ізденіс» - Өнер факультеті, «Креативті Деканат» - Жаратылыстану және география факультеті, «Үздік өнерпаз» - Сорбонна - Қазақстан институты, «Көрермендер көзайымы» - Педагогика және психология факультеті.

Сайыс жоғары деңгейде өтті, барлық қатысушылар өздерінің көшбасшылық қасиеттері мен командалық жұмыстары арқылы керемет нәтиже көрсетті.