2025 жылғы 25 қарашада Академик Т.С. Садықов атындағы Жаңа және қазіргі заман тарихы кафедрасының аға оқытушысы, тарих ғылымдарының кандидаты, ментор–зерттеуші Рашева Гүлжан Өмірзаққызы «Қазақстан Республикасының мемлекеттік құрылысы» тақырыбында ашық сабақ өткізді. Ашық сабаққа кафедра меңгерушісі, саяси ғылымдарының докторы Нұрымбетова Гүлшат Рамазановна, сондай-ақ кафедраның бірқатар оқытушылары қатысты. Сабақ барысында заманауи педагогикалық әдіс-тәсілдер тиімді қолданылды: – интерактивті оқыту; – сын тұрғысынан ойлау стратегиялары; – топтық жұмыс; – миға шабуыл; – проблемалық тапсырмалар; – төңкерілген сабақ әдісі; – GREAT кестесі, Predictive Task (болжау), INSERT, ЖИ элементтері және т.б. Студенттер сабаққа жоғары белсенділікпен қатысып, берілген тапсырмаларды қызығушылықпен орындады. Ашық сабақ педагогикалық инновациялар мен белсенді оқыту әдістерін қолдану арқылы жоғары деңгейде ұйымдастырылды.