Қош бол, Қазақстан!

    Юесю атындағы Чжэцзянск шет тілдер университетінен академиялық ұтқырлық бағдарламасы арқылы орыс тілі мен әдебиеті кафедрасына келген студенттердің семестрлік оқуы аяқталды. 

   Семестрдің сәтті аяқталуына қоштасу шарасы ұйымдастырылды. Қытайлық студенттер университет ұжымына, ұстаздарға, группаластарына алғысын білдірді. Көптеген әндер шырқалған шара шаттыққа толы болды.
     Қытай студенттері бірнеше ай ішінде Алматы қаласы, еліміз, қазақтың салт-дәстүрлері туралы жаңа ақпарат алғандары туралы мақтана айтты. Көптеген қызықты жерлерде болып, маусымда Астанада өтетін ЭКСПО-2017 көрмесіне баратындықтарын қуанышпен жеткізді. 3 курстың бағдарламасын үйреу үшін бар күш-жігерін салғандығының арқасында жақсы бағалармен тәмамдады.
      Орыс тілі мен әдебиеті мамандығының 3 курс студенттері және олардың эдвайзері, доцент Мадина Абаева қонақтарымызға әрқашан қолдау көрсетіп, жандарынан табылатын.
     Орыс тілін меңгеруде алға жылжығандықтарын жазған шығармаларынан аңғаруға болады.
     Қоштасу кешінен соң достық дастарханы жайылып, тілектер айтылды.

    Сілтеме: Қытай студенттері жазған эссе