4 курс студенттері педагогикалық практикасының
қорытынды конференциясы

2019 жылдың 2 сәуір күні «Орыс тілі мен әдебиеті» және «Орыс тілінде оқытпайтын мектептердегі орыс тілі мен әдебиеті» мамандықтары 4 курс студенттерінің педагогикалық практикасы бойынша қорытынды конференция өтті.

Конференцияға әдіскерлер доцент Елена Ломова, доцент Мадина Абаева, орыс тілі мен әдебиеті кафедрасының педагогикалық практика жетекшісі, профессор Гүлмира Қажығалиева, кафедра меңгерушісі, профессор Сәуле Әбішева, студент-практиканттар қатысты.

Педагогикалық практиканы қорытындылай келе, профессор Гүлмира Қажығалиева практика кезінде барлық студенттер өздерін жақсы жағынан көрсете білгенін, бұл өз алдына қойылған міндеттерді сәтті орындауға мүмкіндік бергенін атап өтті.

Студенттер сабақтар мен сабақтан тыс шараларды ұйымдастырудан алған тәжірибесімен бөлісті. Сөз сөйлеуде олардың кездескен қиындықтары да айтылды. Мысалы, олардың қызметіндегі қиын кезең оқушылардың жұмысын бағалау және сабақты ұйымдастыру болды. Мұғалімдердің практиканттарға деген жақсы қарым-қатынасын, көмекке келуге, кеңес беруге дайындығын атап өтті. Студенттердің пікірінше, әдіскерлердің, практика жетекшілерінің тарапынан қолдау өте маңызды болды. Қорытынды конференцияда педагогикалық практика барысында шешілген мәселелер туралы іскерлік әңгіме де болды.

Сөз соңында орыс тілі мен әдебиеті кафедрасының меңгерушісі, профессор Сәуле Әбішева сөз сөйледі. Ол балаларды бітіру педагогикалық практикасының аяқталуымен құттықтап, педагогикалық практика - бұл педагогикалық ЖОО студент-түлегінің мұғалім жұмысына нақты дайындығының нақты көрсеткіші екенін, тек практика ғана оның болашақ маман ретіндегі әлеуетін көрсететінін атап өтті.