Талғат Увалиевтің 70 жылдығына арналған мерекелік іс-шара

2024 жылдың 22 қарашасында Абай атындағы ҚазҰПУ-да Жаратылыстану және география факультеті география және экология кафедрасының доценті, психология ғылымдарының кандидаты Талғат Увалиевтің 70 жылдығына арналған «Тәлімгер-ұстаз, әдіскер-ғалым, белсенді ардагер» атты дөңгелек үстел өтті. Шараға әріптестері, студенттері, сондай-ақ қонақтар қатысып, Талғат Увалиевке ұзақ жылғы еңбегі мен ғылым-білімге қосқан үлесі үшін құрмет пен алғыстарын білдірді.

Бағдарлама факультет деканы Күләш Каймулдинаның құттықтау сөзімен басталды. Салтанатты бөлімде құттықтаулар, медальдар мен сыйлықтар табыс етілсе, тәрбиелік бөлімде оқытушының өмірбаяны және студент Эльмира Қарлыбайдың ақындық арнауы көрсетілді.  Ал, концерттік бағдарламада университет студенттері мен шығармашылық ұжым өнер көрсетті.

Шара соңында Талғат Увалиев әріптестері мен студенттеріне көңіл бөліп, қолдау көрсеткендері үшін алғысын білдірді.