Жаратылыстану және география факультетіндегі Ашық есік күні

2025 жылдың 30 қазанында Абай атындағы Қазақ ұлттық педагогикалық университетінің География және экология кафедрасының доценті Иркитбаев Сакен Нұрқайдарұлы мен аға оқытушы Саванчиева Арманай Сағатбайқызы Жетісу облысының орта мектептері мен гимназияларының оқушыларымен кәсіби бағдар беру жұмыстарын жүргізді.

Кездесу барысында оқытушылар жалпы университет және Жаратылыстану және география факультетінің - География, Экология, Туризм білім беру бағдарламалары туралы айтып берді.

Университет тарихымен таныстыру үшін доцент С.Н. Иркитбаев пен аға оқытушы А.С. Саванчиева оқушыларды Бас оқу ғимаратында орналасқан университет мұражайына экскурсияға апарды.

Экскурсия барысында білім алушылар университет тарихымен, білім беру бағдарламаларымен, Өнер факультеті түлектерінің шығармашылық жұмыстарымен танысты. Оқушылармен кездесу өте қызықты өтті және Жаратылыстану және география факультетінің білім беру бағдарламаларына үлкен қызығушылық тудырды.