Төтенше жағдайлардан сақтық шаралары

2025 жылдың 18-қарашасы күні 622 дәрісханада 1-курс 6В01515-География білім беру бағдарламасы студенттеріне арнап Алматы қаласының Төтенше жағдайлар департаменті Азаматтық қорғаныс басқармасының аға офицері, майор Баймухамбетова Сандугаш Амантайқызы «Табиғи апат түрлері және олардан қорғану жолы туралы» тақырыбында дәріс өткізді.

Дәріс барысында студенттерге түрлі табиғи апат түрі және одан қорғану шаралары көркем слайд негізінде түсіндірілді. Дәріс барысында студенттер арасында жер сілкіну кезіндегі талап етілетін жеке бастың қорғану шаралары кеңінен пікір талас түрінде өрбіді.

Сондай-ақ студенттер өздерін толғандырып жүрген сел, өрт, қар көшкіні сияқты басқа да апат түрлерінен қорғану туралы сұрақтарына кәсіби маманнан тұжырымды жауап алды.

Модератор Сандугаш Амантайқызы дәріс барысында, тек өз ісінің маманы ғана емес, ана тілін жетік меңгерген кәсіби маман екендігін дәлелдеп, көптеген термин сөздерді ана тілі баламасында түсіндірді.