2025 жылдың 8–13 желтоқсан аралығында Абай атындағы Қазақ ұлттық педагогикалық университетінде Казан федералдық университетінің география және экологиялық білім беру теориясы мен әдістемесі кафедрасының профессоры, педагогика ғылымдарының докторы Гайсин Ильгизар Тимергалиевич қонақ дәрістер циклын өткізеді.

Сапар барысында профессор география және экологиялық білім беру саласындағы ғылыми зерттеулері мен практикалық тәжірибесін ұсынып, оқытудың заманауи әдістемелерін талқылайды.

Дәрістер студенттерге, магистранттарға, докторанттарға және университет оқытушыларына арналған. Іс-шара университеттер арасындағы ғылыми-білім беру байланыстарын нығайтуға және кәсіби тәжірибе алмасуға бағытталған.