«Туған ел» патриоттық ән байқауының жеңімпаздары

2023 жылдың 17 ақпанында Қазақ ұлттық қыздар педагогикалық университетінде композитор Өмірбек Байділдаевтың туғанына 90 жыл толуына орай «Туған ел» X қалалық патриоттық ән байқауы өтті. Бұл байқауда Абай атындағы ҚазҰПУ Өнер, мәдениет және спорт институтының музыкалық білім және хореография кафедрасының оқытушысы Болатхан Назымгүлдің жетекшілігімен «Музыкалық білім» білім беру бағдарламасының 2-ші курс студенті Мардана Жұмакелді қалалық патриоттық ән байқауының ІІІ-дәрежелі лауреаты атағына ие болды. Сондай-ақ, кафедраның концертмейстері Ләззат Жұмабаева аталған қалалық байқауда «Концертмейстерлік шеберлік» номинациясында 3-ші орынға ие болды.