«Өмір-өнер» көрмесі

2024 жылдың 02 желтоқсанында Абай атындағы ҚазҰПУ Өнер факультеті «Жасампаз» галереясында Орал Таңсықбаев атындағы Алматы сәндік-қолданбалы өнер колледжінің оқытушылары мен студенттерінің «Өмір-Өнер» атты пленэрлік көрмесі өтті. Көрме Кенжебай Дүйсенбайұлының еске алу құрметіне орай Шежін пленэр симпозиумының төңірегінде жүргізіліп отыр.

Іс-шара барысында Өнер факультетінің деканы Кәрім Байқұтов, Орал Таңсықбаев колледжінің директоры Зура Жумахметова, Түлектер қауымдастығының директоры Болатбек Нұрбатыров сөз сөйлеп, көрменің негізгі маңыздылығына тоқталды. Көрменің ашылу салтанатына Өнер факультеті мен Орал Таңсықбаев Алматы сәндік-қолданбалы өнер колледжінің оқытушылары мен студенттері қатысты.