«Дизайн және баспа өнерінің ғылыми-өндірістік орталығы» ашылды

2024 жылдың 04 желтоқсанында Принтмедиа технологиялары колледжінде «Кәсіптік-техникалық білім: қазіргі жағдай және уақыттың сын-қатерлері» атты халықаралық форум өтті. Форумға Эстония, Ресей, Беларусь және Қазақстаннан келген жұмыс берушілердің өкілдері, арнайы орта оқу орындарының және жоғары оқу орындарының директорлары мен олардың орынбасарлары, педагогтар, сарапшылар қатысты.

Аталған форум аясында Абай атындағы ҚазҰПУ, Өнер факультетінің «ДИЗАЙН ЖӘНЕ БАСПА ӨНЕРІНІҢ ҒЫЛЫМИ-ӨНДІРІСТІК ОРТАЛЫҒЫ» ашылды.

Форум мен орталықтың ашылуына Абай атындағы ҚазҰПУ Академиялық мәселелер жөніндегі департамент директоры Хайрулла Жанбеков, Кәсіби бағдар және мансапты дамыту департаментінің директоры Алмас Найманбаев, Өнер факультетінің деканы Кәрім Байқұтов, дизайн кафедрасының меңгерушісі Жазира Стамбекова және профессор-оқытушылар құрамы: Құрман Мұратаев, Жанар Ибраева, Наталья Михайлова қатысты.

Аталған зертхана технологиялық инновациялар үшін платформа ғана емес, сонымен қатар екі оқу орнының студенттері үшін болашақта практикалық тәжірибе жинақтап, көкжиектерін кеңейту мүмкіндігі ретінде қызмет етпек.