Абай университеті Моңғолия мәдениет және өнер университетімен ынтымақтастық орнатты

Абай атындағы ҚазҰПУ Улан-Батор қаласындағы Мәдениет және өнер университетімен өзара түсіністік туралы меморандумға қол қойды. Бұл маңызды оқиға білім беру, ғылым және мәдениет салаларындағы халықаралық әріптестікті нығайтуға бағытталған.

Біздің делегация құрамына Өнер факультетінің көркемдік білім беру кафедрасының ғалымдары мен оқытушылары: п.ғ.к., қауымдастырылған профессор Шайғозова Ж.Н. және п.ғ.к., қауымдастырылған профессор м.а. Ибрагимов А.И. қатысты. Олар ынтымақтастықты дамытуға елеулі үлес қосты.

Меморандум студенттер, магистранттар және докторанттармен, сондай-ақ оқытушылар және зерттеушілермен алмасуды, бірлескен ғылыми жобаларды жүзеге асыруды, конференциялар ұйымдастыруды және қос дипломды білім беру бағдарламаларын құруды көздейді.

Қол қойылған құжат екі университеттің өзара әрекеттесуіне жаңа перспективалар ашып, ғылым, мәдениет және білім берудің дамуына ықпал етеді.