2025 жылдың 25 қарашасында Алматы қаласының Б.Атыханұлы атындағы №36 гимназиясы базасында №178 мамандандырылған лицейіндегі Абай университетінің Биология кафедрасының филиалы мен Алматы қаласы Білім басқармасы қалалық Білім берудегі жаңа технологиялардың ғылыми-әдістемелік орталығының ұйымдастыруымен «Lesson Study әдістемесін мектеп тәжірибесіне тиімді енгізу мақсатында оның әдіснамасын ашып көрсету» тақырыбындағы қалалық семинары өтті.

Семинардың мақсаты: Lesson Study әдістемесінің мазмұны мен құрылымын талдай отырып, оны мектеп тәжірибесіне тиімді енгізудің жолдарын көрсету, педагогтердің кәсіби дамуындағы рөлін нақтылау және сабақты бірлесіп жоспарлау, бақылау және талдау арқылы оқыту сапасын арттыру.

Семинарға Абай университетінің ЮНЕСКО кафедрасының шақыртуымен келген Білім беру психологиясы бойынша философия докторы, халықаралық деңгейдегі беделді қоғамдастық – Экономикалық ынтымақтастық пен даму ұйымының сарапшысы (OECD), тәуелсіз кеңесші Клеа Фернандез, Абай атындағы ҚазҰПУнің ЮНЕСКО кафедрасының меңгерушісі профессор А.Берикханова, Биология кафедрасының меңгерушісі А.Майматаева, биология кафедрасының профессор-оқытушылары, Алматы қаласы мектептерінің мұғалімдері мен университет студенттері қатысты.

Семинарда 6В01513-«Биология» ББ 4 курс студенті Нұрай Нұрғалиқызының  10 "Ә" сыныбына "Митохондрияның құрылымдық компоненттері және олардың қызметі" тақырыбына өткен зерттеу сабағына талдау жүргізілді. Жетекшісі Г.Камиева сабаққа кері байланыс ұйымдастырды. №178  мамандандырылған лицейдің мұғалімдері М.Алипова, Н.Бақытжан, Г.Ақын «Жаратылыстану пәндерін оқытуда Lesson Study әдісін қолдану» тақырыбына шебер-сынып ұйымдастырды. Б.Атыханұлы атындағы №36 гимназияның мұғалімі Маймышева А.А. «Оқудағы қиындықтарды анықтау және бірлесіп шешу жолдары» тақырыбына тренинг өткізді.

Семинар тәуелсіз кеңесші Клеа Фернандез пен мектеп мұғалімдеріне, профессор-оқытушыларға ерекше әсер қалдырды.