Дизайн кафедрасындағы ашық есік күні

2024 жылдың 14 қарашасында Абай атындағы ҚазҰПУ Өнер факультеті дизайн кафедрасының ұйымдастыруымен Алматы қаласындағы жалпы білім беретін техникалық және кәсіптік білім беру мекемелерінің бітіруші түлектеріне арналған «Дизайн үшінші мыңжылдықта» атты ашық есік күні өтті. Мәдени-танымдық іс-шараның мақсаты - жалпы білім беретін мектеп оқушылары мен колледж түлектерін «Дизайн» білім беру бағдарламасымен таныстыру, болашақ мамандықты таңдауға үгіт-насихат жұмыстарын жүргізу болып табылады.

Мәдени-танымдық іс-шара аясында болашақ талапкерлермен кездесуге Өнер факультеті Дизайн кафедрасының оқытушылары белсенді қатысты. Олар түлектерге беру бағдарламаларын, әлеуметтік жеңілдіктерді, халықаралық байланыстар туралы ақпарат берді. Іс-шара барысында 150-ден астам түлек студенттік өмір, факультет қызметі және оның барлық бөлімшелері туралы толық ақпарат алды. Сонымен қатар оқуға түсуге арналған тестілеу және шығармашылық емтихан тапсыру ережелері таныстырылды.