Психолог жұмысындағы кибернометр: диагностика, зерттеу, тренинг

2024 жылдың 10 қыркүйегінде Абай атындағы ҚазҰПУ Педагогика және психология факультетінің жалпы және қолданбалы психология кафедрасы «Психолог жұмысындағы кибернометр: диагностика, зерттеу, тренинг» атты халықаралық деңгейдегі сарапшылардың және кафедраның профессор-оқытушылар құрамы, студенттері, магистранттары мен докторанттарының қатысуымен шеберлік сыныбын ұйымдастырды.

Шеберлік сыныбында Педагогика және психология факультетінің деканы Ғалия Абаева, Бас ғалым хатшы Марфуға Абсатова, Жалпы және қолданбалы психология кафедрасының меңгерушісі Гүлмира Ниетбаева сөз сөйлеп, қатысушыларға сәттілік тіледі.

Шеберлік сыныбына қатысқан халықаралық дәрежедегі сарапшылар:

Белолы Василий - Ленинград мемлекеттік университетінің психология факультетінің түлегі (1991 ж., «Жалпы психология» кафедрасы), тәуелсіз зерттеуші, психолог, волонтер, сарапшы, білім берудегі командалық жұмыс және командалардың үйлесімділігі мәселесі бойынша кибертехнологиялар тренері (Хельсинки, Финляндия);

Белолы Надежда - тәуелсіз зерттеуші, арт-тренер, волонтер, кибертренинг жетекшісі (Хельсинки, Финляндия);

Кабакова Майра - психология ғылымдарының кандидаты, әл-Фараби атындағы ҚазҰУ «Жалпы және қолданбалы психология» кафедрасының профессоры;

Бекетов Нұрсейіт - PhD докторы, доцент, Чирчик мемлекеттік педагогикалық университеті (Өзбекстан).

«6В03111-Практик психологтарды даярлау» ББ студенттері, «7М03118 - Психотерапия негіздерімен денсаулық психологиясы» ББ магистранттары, «8D03105-Психология» ББ, «8D03117-Клиникалық-әлеуметтік психология» ББ докторанттары, кафедраның профессор-оқытушылар құрамы.