Басты / Біз туралы / Университет құрылымы / Департаменттер / Ғылым департаменті / «Abai LABS» ғылыми-инновациялық паркі / «Айтылған тарих» ғылыми лабораториясы

Мырзатаева Забира Балабекқызы «Айтылған тарих» ғылыми зертханасының жетекшісі Тарих ғылымдарының кандидаты, қауымд.профессор м.а. Жамбыл көшесі 25, 21 каб.  8-700-992-49-76 Zabyra73@mail.ru

Ғылыми зертхана қызметі ауызша естеліктерді талдауға, оларды өңдеу саласында зерттеу жұмыстарын жүргізуге, «Айтылған тарих» саласында мамандар даярлауға, ауызша деректерді пайдалануға ықпал ететін академиялық ресурстарды ұйымдастыруға және қолдауға бағытталған.

Ауызша естеліктер тарихи тұрғыдан әртүрлі құнды ақпарат алуға мүмкіндік береді. Сұхбат жүргізу әдістемесі, транскрипциялау тәсілі, дереккөздерін интерпретациялау белгілі бір академиялық дәстүрге сүйенетін зерттеудің бастапқы мақсаттарына байланысты. Сұхбат алу және талдау әдістері көптеген нұсқаларға ие. «Айтылған тарих» ғылыми бағыт ретінде пәнаралық байланыстарға, белгілі бір ғылыми салаларда тұжырымдалған әдістермен және тәсілдермен алмасуға мүмкіндік береді.

«Айтылған тарих» ғылыми зертханасы қызметінің бағыттары:
- сұхбатты жазу және транскрипциялау;
- ақпараттық қолдау;
- мамандарды даярлау;
- зерттеу жобалары;
- ауызша материалдар мұрағатын құру.

«Айтылған тарих» ғылыми зертханасын құрудың негізгі мақсаттары:
- зерттеушілер, студенттер және жалпы қоғам үшін ауызша сұхбат және ауызша тарих стенограммаларын тарату, «Айтылған тарих» зерттеулері негізінде оқиға куәгерлерінің естеліктерін сақтау;
- өткен тарихи оқиғалардың куәгерлерінің/замандастарының естеліктері арқылы жаңа тарихи фактілерді анықтау;
- Қазақстан Республикасының орталық мемлекеттік архивінде ауызша естеліктер қорын құру және оны маңызды материалдармен мерзімді түрде толықтыру;
- алынған мәліметтер негізінде ғылыми-зерттеу жұмыстарын жүргізу.

«Айтылған тарих» ғылыми зертханасының басты міндеттері:
-ғылыми-зерттеу және сараптау-талдау қызметін жүзеге асыру, мамандарды даярлау;
- ауызша тарих бойынша магистранттар, докторанттар, ғылыми қызметкерлер және университет оқытушылары, сондай-ақ ауызша тарихқа мүдделі тұлғаларға қосымша кәсіби білім алуды ұйымдастыру;
- Орталық жүргізетін ғылыми зерттеулердің бағыттары бойынша отандық және әлемдік тәжірибені зерделеу және қорыту;
-Абай атындағы ҚазҰПУ Ғылыми-педагогикалық құрамы мен магистранттарын, докторанттарын, сондай-ақ ауызша тарихқа қызығушылық танытқан тұлғаларды ғылыми-зерттеу жұмысына тарту;
- университеттің білім беру және тарихи зерттеулер орталығы ретінде дамуына қатысу;
- «Айтылған тарих» саласында зерттеу жұмысын жүргізетін халықаралық қоғамдастықтармен бірлескен ғылыми-зерттеу қызметін ұйымдастыру.