Абай университетінің түлектері қара шаңырақта

2023 жылғы 13 сәуірде «Рухани жаңғыру» жобалық кеңсесінің бастамасымен Абай атындағы ҚазҰПУ түлектері белсенді студенттерімен кездесті.

Кездесуге қара шаңырақ түлектері «31» медиахолдингінің басшысы, журналист, Құрманбек Жұмағали және «31 арна» ақпараттық бағдарламалар дирекциясының директоры Ержан Жүніс қатысты.

Жиын басында сөз алған университеттің Басқарма төрағасы - ректорының кеңесшісі Жанатбек Ішпекбаев, жасампаз студенттердің шақыруын қабыл алып, өздері білім алған оқу ордасына уақыт бөліп келгені үшін қонақтарға алғысын білдірді. Сонымен қатар, жуырда өткен «31 арнаның» 30 жылдық мерейтойына орай университет басшысы атынан құттықтау хаты мен арнайы сыйлықтарды табыстады.

Өз саласын жақсы меңгерген азаматтар университет қабырғасында білім алып жүрген уақытында «Атамекен» пікірсайыс клубын құрып, клубты әрі қарай дамыту мен жетілдіру жұмыстарын жүрізді. Бүгінде «Атамекен» пікірсайыс клубы студент жастардың қызығушылығы мен сұранысына ие.

Кездесу барысында белсенді студенттер болашақта функционалды сауаттылыққа бейімделген маман болу, журналистика мамандығының қыр-сыры жайлы және қазіргі пікірсайыс қозғалысы туралы біршама сұрақ қойып, сөз қозғады.Кездесу соңында Абай университеті мен «31» медиахолдингі арасында шығармашылық байланыс орнатып, студенттердің жан-жақты дамуына арналған бірнеше жобалар ұйымдастырылатыны келісілді.

«Рухани жаңғыру» жобалық кеңсесі