Нумизматика дәрістері

2024 жылдың 16-24 қазаны аралығында Абай атындағы ҚазҰПУ ежелгі және ортағасырлардағы Қазақстан тарихы кафедрасының арнайы шақыртуымен келген белгілі нумизмат ғалым, тарих ғылымдарының кандидаты П.Н. Петров (РФ) Тарих және құқық факультетінің жас ғалымдары мен студенттеріне «Қазақстандағы нумизматика» тақырыбында дәріс оқыды. П.Н. Петров өз дәрістерінде студенттерді нумизматика терминологиясы мен нумизматика дереккөздерімен таныстырды. Сондай-ақ Ұлы Моңғол империясы, Жошы ұлысы (Алтын Орда) мен Шағатай ұлысының кезеңіндегі тауар-ақша қатынастары мәселелеріне тоқталды. Белгілі шетелдік ғалымның дәрістері студенттердің қызығушылығын арттырды. Олар ғалыммен кері байланыс жасап, қызықтырған сұрақтарына жауап алды.