С.СӘДУАҚАСОВТЫҢ 125 ЖЫЛДЫҒЫНА АРНАЛҒАН КОНФЕРЕНЦИЯ

Абай университеті Тарих және құқық факультеті, Ежелгі және ортағасырдағы Қазақстан тарихы кафедрасы ұйымдастыруымен, 28 қараша күні, мемлекет және қоғам қайраткері Смағұл Сәдуақасовтың туғанына 125 жыл толуына арналған «СМАҒҰЛ СӘДУАҚАСОВ: УАҚЫТ ЖӘНЕ МҰРА» халықаралық ғылыми-тәжірибелік конференция өтткізді. Жиынға Өзбекстан, Татарстан,  Қырғызстан және Қазақстанның белгілі тарихшылары мен жас зерттеушілері қатысты.

Абай атындағы ҚазҰПУ-дың Басқарма-төрағасы Ректор Болат Тілеп мемлекет басшысы Қасым-Жомарт Тоқаевтың құттықтауын жеткізді.

  «Смағұл Сәдуақасұлы – халқымыздың біртуар перзенті. Ол күрделі кезеңде маңызды мемлекеттік қызметтерді абыроймен атқарып, көптеген игі бастамаға ұйытқы болды. Тұңғыш қазақ драма театрының ашылуына, қазақ педагогика институтының іргелі оқу орнына айналуына ықпал етті. Халқымыз Смағұл Сәдуақасұлының есімін ешқашан ұмытпайды», – деп жазылған Президент құттықтауында.