Академиялық жазылым сауаттылығын жетілдіру бағытында қонақ дәрісі

2024 жылдың 25 қарашасында Қазақ ұлттық аграрлық зерттеу университетінің профессор-оқытушылар құрамы мен докторантура, магистратура білім беру бағдарламалары бойынша білім алушыларына «Академиялық жазылым» тақырыбында қонақ дәрісі ұйымдастырылды.

Ашық қонақ дәрісіне қатысушыларға Абай атындағы ҚазҰПУ академик С.Қирабаев атындағы қазақ әдебиеті және оқыту әдістемесі кафедрасынының меңгерушісі, ф.ғ.к., аға оқытушы Еділбай Оспанов «Академиялық жазылым негіздері» тақырыбында дәріс оқыды.

Дәрістің басты мақсаты - академиялық жазылым сауаттылығын жетілдіру, ғылыми ізденісте жазылатын еңбектің құрылымын түсіндіру, негізгі бағдарларын тізбектеу, көрсету.

Мазмұны мен мән-маңызы терең іс-шараға оқу ордасы ғалымдары мен жас білімгерлер өте белсенді қатысты. Олар өз ойларындағы сауалдарын қойып, салмақты жауаптарын алып, салиқалы пікір алмасты.