Докторанттардың ғылыми семинары өтті

2026 жылдың 12-қаңтарында Академик С.Қирабаев атындағы қазақ әдебиеті және оқыту әдістемесі кафедрасының ұйымдастыруымен 2-курс докторанттарының ғылыми семинары өтті. Ғылыми семинарда 8D01701-Қазақ тілі мен әдебиеті ББ докторанты Қылышбекова Нұрсәуленің "Прозалық шығармаларды оқыту арқылы оқушылардың икемді дағдыларын (soft skills) қалыптастырудың теориялық негіздері" тақырыбында және 8D02308-Әдебиеттану ББ докторанты Әділжан Асанәлінің "Қазіргі қазақ прозасындағы рухани әлем және адам экологиясы (2000-2024 жылдар)" – тақырыбында диссертациялық жұмыстарының таныстырылымы өтті. Семинар барысында докторанттар тақырып аясында біршама ғалымдардың еңбектеріне шолу жасап, жеке жұмыс жоспары негізінде атқарылып жатқан жұмыстың барысын баяндады. Сондай-ақ кафедраның порфессор-оқытушылар құрамынан тақырыпқа байланысты сұрақтар қойылып, зерттеу жұмыстарына байланысты бағыт-бағдар берілді.